譚仔雲南米線 (已結業)

呢间谭仔都几大，12点黎到都唔算多人。平时食谭仔通常都系食麻辣，今次试佢既蕃茄汤底，加$2。叫左牛肉墨鱼丸，少米线。少米线系可以平$1既，对我黎讲，都唔算少，都食唔晒。两𩠌加埋$41。蕃茄汤底虽然蕃膏味浓，但食完都唔会好口渴，都几好味，米线面仲有蕃茄粒添。谭仔既牛肉，墨丸又系冇得输，牛肉一d都唔韧，虽然牛味唔重，但配埋蕃茄味，都好好食。墨丸弹牙，大粒，有咬口，有墨鱼味，两𩠌系有四粒架。第一次饮谭仔既豆腐，佢系樽装既，$9，饮唔晒仲可以拎走添。味道有啖啖既黄豆味，偏甜，但入口都几滑，豆浆黎讲，佢算系好好好好饮。值得一提系，佢真系谭仔出架，元朗制造。