鳥華亭

营业中

休息中

夜晚大概6点几左右嚟多，同朋友二人被安排坐系门口位置，但门口位置冷气唔够，令到用餐体验有所下降。至极鸡白汤拉面，$99。先讲汤头，颇浓厚嘅鸡味，而且饮多几啖都唔会觉得油腻，系香港黎讲已经收货。鸡叉烧，无乜特别，食唔出有咩调味，可能味道唔够浓烈，口感即使系鸡都唔会话鞋口。溏心蛋，颜色望落去好淡，但食落系有酱油香味，蛋味都算强劲。配菜方面，炸莲藕几出色，够晒香口；有混葱的选择，拣咗但食唔出有咩分别。唐扬鸡，$48。外皮酥脆，入面称唔上多汁鸡肉细嫩，但一定唔系干争争，酱汁就系蛋黄酱，有少许洋葱丝同柠檬作为调味。