舞心拉麵 (已結業)

又有新拉面铺开张..." 舞心 " 拉面,开正系铜锣湾登龙街豚王对面,都岩嘅...可以执死鸡 .登龙街最近开左好多新食市,越黎越旺...朋友叫我陪佢去罗素街买相纸,打算之后再去睇Battleship,食拉面就最岩,快靓正,仲咁近添...因为新开张唔多人,只系等一张枱...门口仲放满花篮,系门口等位时侍应为我地介绍同落单..对面豚王依旧排长龙......好快就有位,简单嘅枫木装修,大约有6张枱,好宽阔,坐得舒服d,墙身贴上海报装饰......白(原味),黑(浓味),赤(辣味),3款选择,都系猪骨汤底,同样可加配料,葱系Free嫁(对面豚王要$10)落单时可以拣面软硬度,软,普通或者硬...一般铺头都系比冻水,但系依到系一杯冻嘅麦茶,好香,冇沟淡到ga...好钟意呀!!!好似系北海道饮过个d......又一特别调味料,酱油生蒜片......我都系食原味,汤底好香猪骨味,唔肥腻,易入口,面质刚好我要嘅普通,好爽,叉烧比较细块,唔多肥膏位,不过冇咩味,白色嘅流心蛋唔错...羽付饺子,底部煎唔够干,内里有肉汁...自家制杏仁豆腐,有芒果或者士多啤利酱拣,原来d酱系用黎划花,食落有好香杏仁味,好滑