Mimila (已結業)

在沙田新城巿广场揾食，见到呢间马来西亚餐厅都几靓仔，即管入去试下。餐厅地方不大，但尚算坐得舒适。我见隔离个枱6个人一口气叫左6碗A1马来辣虾汤面，咁一定好好味，我都凑下热闹叫返碗先，整多个参巴酱炸鱼旦，一杯柠檬薏米水同猫山王芝士蛋糕做个甜品。辣虾汤面汤头好清甜，但有好浓嘅虾味，但不会系味精嘅味道，饮完一口都无口干嘅感觉。柠檬薏米水好伏，根本就系薏米加糖水，D水都无薏米味，仲要收我32蚊。猫山王芝士蛋糕好得，好浓嘅D24味道，但又有芝士蛋糕嘅口感，食落去唔会好甜，无好腻嘅感觉。鱼旦一共6粒，食左一半先记得影相，鱼旦劲大粒，好弹牙，唔会好似街边鱼旦咁只系得面粉味，参巴酱好特别，有小小似豆瓣酱，但唔会好辣，配起鱼旦非常合，唔会完全盖过鱼旦本身嘅味道。