Asian Twist (已結業)

Asian Twist终于有新花款啦! 除左standard menu外, 仲加入左两款汤面。作为－个美食探险家, 当然要为大家身先士卒, 探一探佢嘅虚实。今次, 我试嘅系佢嘅咖哩鸡排面。—碗咖哩汤面(图右), 一份炸鸡排(图左), 加多杯咖啡, 盛惠$88。加埋一, 差唔多要成旧水, 价钱略贵。佢嘅咖哩汤面, 与其话系汤面, 不如话系好多汁嘅咖哩捞面。汤底非常浓郁, 配上佢嘅油面面底, 成个面感觉好match。汤面里面仲有其他配料, 好似系豆卜、秋葵同鱼片。至于佢嘅鸡排, 亦炸得金黄酥脆, 配上佢附上嘅泰式酸甜酱, 油而不腻。可惜, 整体套餐味道偏浓, 建议大家食嘅时候配上清凉冻饮, 好似系冻柠茶中和－下个咖哩嘅咸辣味。