小茶堂 (已結業)

大半年前开始，成街都系饮品店，呢间小茶堂系我同友人试过一致认为几好饮，有下次嘅！呢条街同登打士街超多饮品店，大部份都唔算话好多人排队，三、五七个人左右。今晚喺附近食饭，但未够钟，又来会一会小茶堂menu同之前差唔多，另外加左热饮同芋圆，饮品价位正常，甚至有D几平添，性价比几高。而且饮品可以拣糖、冰度，比较有弹性啦，总有班人好似我咁又怕甜，又要饮呢D台茶。珍珠抹茶鲜奶点左少甜，冲出来仲有明显分层，最底系黑糖珍珠，之后鲜奶，最后系抹茶。饮用前要先摇匀，抹茶味好浓郁，有甘度，叫左少甜，所以饮落啱啱好！黑糖味未摇之前都几浓，又唔会过份甜，比例系我钟意嘅。里面嘅珍珠有少少黑糖味，而且好弹牙，完全唔会淋，好好咬，非常出色友人点嘅系凤梨绿茶，佢叫左少甜，底部会有D凤梨肉，几正，份量多D更加好，甜度非常适中，仲有茶味，都唔错，不过我个人都系钟意佢地嘅鲜奶类！推荐黑糖珍珠鲜奶同抹茶鲜奶