金鶴拉麵 (利民大廈)

营业中

休息中

金鹤拉面终于开到黎旺角啦！以后想食就就脚好多，最重要既系可以外卖自取添，想系屋企慢慢叹都唔怕～餐厅既位置好阔落，仲有容纳到六至八人嘅卡位，想同一班朋友嚟gathering都OK！✨极浓鸡白汤拉面呢度系鸡白汤听讲系由日本直送，而且足足熬足6个钟，紧系要试下啦！汤底一入口系好清甜，味道唔会好aggressive，反而非常温和。啲汤底就得咁因为熬足六个钟嘅关系，胶质出晒嚟，质地厚身，而且仲会有少少痴住嘴唇嘅感觉，但一啲都唔会油！拉面上面有炸过嘅牛蒡，一食落去就好似薯片咁卜卜脆得来又有牛蒡嘅甜味～另外想赞下两块慢煮鸡胸肉，超嫩又多汁，令我惊觉原来鸡胸都可以咁juicy！✨北海道极浓蟹汤拉面一上台见到好似成球雪糕既蟹肉，非常吸睛！呢款汤底偏鲜甜浓郁，而蟹肉亦松化有鲜味，捞埋落有咬口既拉面食，每啖面都有啖啖蟹肉，非常夹！而两款拉面都有溏心蛋，只蛋整得好靓，半流心又甜滑，好满足～✨明太子手羽先好贴心咁已经用锡纸包住鸡翼尖，方便用手食！鸡翼塞入满满既明太子，每只都涨卜卜！鸡翼外层炸到劲脆，咬开香脆外皮，饱满丰富嘅馅料就涌出，每啖鸡肉都吸收哂明太子既鲜味同咸香海味，加上微辣味道，系一款好唔错既送酒小食。