影片
更多
2024-01-19
46 浏览
今日同朋友嚟到观塘呢一间台式餐厅食火锅，汤底有五种选择：蔬菜养生锅、牛骨沙茶锅、药膳麻辣锅、蕃茄昆布锅或台式白胡椒锅。火锅可以选择套餐或者单点。同朋友叫咗一个一人一锅超值套餐（牛骨沙茶锅），包自选肉盘一份（加$25 选择左澳洲草饲M5牛颈脊 120g）、台湾好丸拼盘三粒（台湾燕饺、姜母鸭九、鳕鱼丸）、杂菜盘一份（高丽菜、时令蔬菜、金针菇、大甲芋头、玉米及蒟蒻）同自选主食一份（台湾粗面）。一人餐嚟讲份量十足，我同朋友两个人叫一个餐，再单点火锅料都好够食！首先讲吓个火锅汤底，牛骨沙茶汤底味道浓郁，用嚟打边炉一流，基本上唔需要额外再沾上其他酱料已经好够味，好食，好推荐！亦可以喺调味料bar配搭酱汁：有干蒜、蒜蓉、干洋葱、辣椒油、麻油、火锅豉油、葱等等。牛肉方面，真系一分钱一分货，M5牛颈脊贵少少但牛肉油花已经靓好多，食落牛味香，肉质软嫩！单点左澳洲M7和牛后腿肉眼150g $69，价钱唔贵，油花唔多，减肥人士可以叫，但我个人钟意有多啲油脂嘅肉😂主食台湾粗面弹牙爽口，超吸汤汁，每条面条都好够味，一份面可以发大到1.5倍，又饱肚又好食，推荐！之后就单点左蜂巢豆腐6件 $22 ，蜂巢豆腐吸收晒汤
今日同朋友嚟到观塘呢一间台式餐厅食火锅，汤底有五种选择：蔬菜养生锅、牛骨沙茶锅、药膳麻辣锅、蕃茄昆布锅或台式白胡椒锅。火锅可以选择套餐或者单点。
同朋友叫咗一个一人一锅超值套餐（牛骨沙茶锅），包自选肉盘一份（加$25 选择左澳洲草饲M5牛颈脊 120g）、台湾好丸拼盘三粒（台湾燕饺、姜母鸭九、鳕鱼丸）、杂菜盘一份（高丽菜、时令蔬菜、金针菇、大甲芋头、玉米及蒟蒻）同自选主食一份（台湾粗面）。一人餐嚟讲份量十足，我同朋友两个人叫一个餐，再单点火锅料都好够食！
首先讲吓个火锅汤底，牛骨沙茶汤底味道浓郁，用嚟打边炉一流，基本上唔需要额外再沾上其他酱料已经好够味，好食，好推荐！亦可以喺调味料bar配搭酱汁：有干蒜、蒜蓉、干洋葱、辣椒油、麻油、火锅豉油、葱等等。
牛肉方面，真系一分钱一分货，M5牛颈脊贵少少但牛肉油花已经靓好多，食落牛味香，肉质软嫩！
单点左澳洲M7和牛后腿肉眼150g $69，价钱唔贵，油花唔多，减肥人士可以叫，但我个人钟意有多啲油脂嘅肉😂
主食台湾粗面弹牙爽口，超吸汤汁，每条面条都好够味，一份面可以发大到1.5倍，又饱肚又好食，推荐！
之后就单点左蜂巢豆腐6件 $22 ，蜂巢豆腐吸收晒汤底精华，配浓汤底好好食，而澎湖花枝丸6颗 $28，大大粒又弹牙，同沙茶汤底好夹，推荐👍🏻
小食叫左炸黄金地瓜条（原味）$33，地瓜条炸到好酥脆，外脆内软，简单嘅调味已经好好食！
成餐饭人均百几蚊已经食到好饱好满足，性价比高！
张贴
