俺之沾麵專門店 (已結業)

听讲呢间沾面日日都排哂队，当日甘岩系附近，见到唔系太多人等位，所以就决定排下，试一试喇餐厅只有3款沾面可以拣，分别系黑蒜，蕃茄同埋猪骨，全部都系$88，包一款蛋同埋几片叉烧黑蒜沾面 呢个系男朋友拣既黑蒜味，除左汤底系加左黑蒜黎煮，面头仲有大量炸蒜同蒜蓉，闻落个汤真系超香，饮落系好浓郁既猪骨同埋蒜味，味道偏咸，但点埋D面一齐食就岩岩好，超适合钟意食重口味既朋友。虾+蕃茄沾面 话说我系要蕃茄沾面既，但日本叔叔问我，我地有个SPECIAL系加左虾，你要唔要试呀? 甘有SPEICAL就当然要试试佢啦，其实入面系冇虾肉既，只有D樱花虾仔，但你饮得出个汤入面有劲多虾既精华，超鲜甜。如果正系得好浓既虾味，真系会觉得有D腻，但加埋酸酸地既蕃茄就唔会喇，成个配搭真系超夹。我要左温泉蛋，加埋落个面到再点汤，个面食落会滑D，同埋无甘腻，食到最后，呢到会有热汤提供，甘就可以开番稀个汤底，饮埋佢喇唔怪得知呢到排满人，因为个汤真系饮得出系花好多心思时间整出黎。不过如果女仔系同心仪对象黎食，就记得唔好食黑蒜味喇，因为果浸味，真系成晚都唔会散架，哈哈。