低調高手大街小食

营业中

休息中

行完山，就去咗筲箕湾，咁当然想要试吓筲箕湾东大街好出名嘅鸡蛋仔啦😆，终于可以试到佢！我哋就分别叫咗一个黄金鸡蛋仔同埋原味格仔饼，即叫即整。不过，因为好多人买，所以我哋落单后都要等咗成半个钟先可以有得食🥺。黄金鸡蛋仔 $33咸蛋黄鸡蛋仔真系好邪恶，拎上手热辣辣，好香蛋味。鸡蛋仔外皮香脆，每一粒鸡蛋仔都系胀卜卜。而鸡蛋仔本身都好有蛋味，个底浆做得几好。鸡蛋仔入面会有咸蛋黄粒粒，成粒咸蛋黄咁食，几过瘾🤓，不过希望佢会有多啲咸蛋黄粒，可以每一粒都平均分到。原味格仔饼 $22见唔少foodie都会话格仔饼都好好食，所以我哋都叫咗一份😛。相信格仔饼同鸡蛋仔嘅底浆一样，所以食落都系好香蛋味💕。格仔饼有好多酱，好足料👍🏻，特别钟意花生酱配砂糖嘅口感。而且店舖可以帮你切开两份，分开两个纸袋装，岩晒大家share食🙆🏻‍♀️。