焰拉麵 (已結業)

放工返到元朗先开餐，成三点几四点，唔想食茶记黎左焰拉面。佢新开个阵已经想食，但一直无乜机会，呢排见面书嘅谷友堆介新口味，好，就今日试下先。除左餐牌上嘅拉面，仲多左个辣味同沾面。谂左一阵，都系叫招牌嘅焰拉面，店员话佢地系浓汤同面身较硬嘅，如果唔啱口味可提出要求。等食期间睇下四围先，枱上有蒜头同夹，可自行加入生蒜。仲有芝麻，辣菜舖，七味粉等，自家炒嘅辣菜舖，真系几辣但又好味㖞。除左拉面，仲加左个套餐，包一只溏心蛋，野菜沙律同汽水，正价$28，但like&share喺面书有半价优惠。焰拉面到，卖相一级捧！溏心蛋～好流心又卤得入味，蛋味好正。野菜沙律～用上日式沙拉醋，酸酸地好醒胃。焰拉面，有两大片叉烧，干葱，荀，木耳，紫菜，大大碗。半肥瘦叉烧，入口溶化，油腻充满口腔，实在另人回味无穷！拉面挂汤能力不错，啖啖都有猪骨汤味，个人亦喜欢偏硬嘅口感。主角兼灵魂嘅猪骨汤底，入口味道十分浓郁，但不油腻亦没过咸，净系呢个汤底已值满分，基乎饮哂啲汤，约不是太饱一定会饮哂。show面书后combo减了半价，$92蚊埋单，好味好味。