18樓雞煲火鍋專門店

营业中

休息中

今日要去荃湾攞啲野所以顺便系个边食埋野，晏就无点食到野又想食鸡煲，就去左18楼鸡煲火锅专门店食个早场5点既鸡煲，7点半前离座仲有得每位减$10。之前都有听过呢间系唔错，我地叫左小辣，黎到见到个鸡煲已经觉得味道会好浓郁，食落都真系，呢间浓度应该数一数二劲，所以好正，而且鸡都几嫩滑，有d仲好肥美。之后边炉料任叫既，一定要嗌既系滑牛肉、滑鸡柳、水鱿、粟米饺。滑牛肉同鸡柳真系同个名一样好嫩滑，而水鱿好爽口弹牙，粟米饺好足料，栗米同猪肉都好鲜甜，而个外皮吸收哂汤底味道好浓郁。另外仲叫左某d丸类试，几特别，冬阴公虾丸同龙虾味沙拉丸，出面无几可见到有。仲有要提既系稻庭乌冬，好吸收到汤既精华，好重味而且几烟韧。最后一定一定要食既系佢个乳酪雪糕，超级香滑，配料都好多，麦片呢个配料几特别，几夹个雪糕，个人钟意食乳酪味，其次系朱古力。环境几好，窗边可以有自然光透入，全部座位都系卡位，坐得几舒服，另外上菜几快，份量好好，容易控制。