金鶴拉麵 (荷李活道) (已結業)

史上极浓鸡白汤拉面浓白鸡汤果然比起其他拉面汤浓，有少少似忌廉汤，令到每一啖面都沾满汤汁。有两片鸡肉，一片大过只手既叉烧，1d都唔肥，但又唔系鞋肉，而系嫩滑腍既肉。仲配有木耳同葱，令到口感层次丰富。溏心蛋半浸系汤，暖暖地食刚刚好。北海道极浓蟹汤拉面 （期间限定）上菜就闻到好香蟹味，有成两个汤勺咁多既蟹肉，对比浓白鸡汤多左一股蟹既香气，基本上每一啖都会有蟹肉碎。汤底比起极浓版本冇咁杰，不过味道依然浓。日式唐扬炸鸡一客3件外脆内软又多汁，有腌过，真系好好食。原本以为系碟边个𠮶啲系普通淮盐，点知原来系一啲加咗类似梅粉嘅盐，沾炸鸡食，大大减轻左油腻感。其实仲有饭同串烧食，放工饮杯野可以黎叹下。短短食面嘅果半个钟其间，有成4个送外卖餐既人入嚟攞单，果然好受欢迎。