Deesses Bakery

营业中

休息中

钟意食包嘅我又出动包包控，朋友话我听屋企附近最近开咗一间几精致嘅面包舖，我哋就相约一齐去买包包🤣香芋麻薯贝果 🥯第一样最吸引我嘅竟然系呢个，本身系香芋爱好者，加上麻薯，仲要系而家长期见到热门嘅贝果除咗有香芋味仲有其他味道选择，而香芋味冇令我失望嘅系佢入面满满嘅香芋，而且麻薯不吝啬，口感烟韧牛角酥🥐超大个牛角包，食落去唔会油，但又好有层次感食落嘅层次感成个感觉好治疗开心果牛角卷🥐发现近日面包舖好多都推出开心果系列嘅食物而牛角卷又系面包舖最近大热，第一次食佢有别于牛角酥，不同嘅地方系佢整个圆形圈圈食落去都系好松脆既，但一样都系好有层次感食面包感觉食牛角酥，食酥皮感觉要食牛角卷而且佢呢个开心果嘅味道都几浓郁，值得一试原味吐司🍞原味吐司我见佢几靓，吐司必定系整奶油多食最出色，食落面包都好软熟伊甸苹果🍏 迷你梨🍐佢嘅甜品系最精致，的的骰骰有外观味道又似足外观最面层系朱古力，然后内里系水果嘅慕丝，再入面就系水果嘅果肉我会应用为物超所值，因为花心机，而且甜度适中估唔到平日下午时间去到嘅时候都咁多人，店舖整齐而且睇落外观几舒服几靓，我仲见到有依家好流行嘅千层面包，有机会下次再试