咖喱至尊

营业中

休息中

突然好想食劲辣咖哩，又唔知上水边度有好味咖哩，唯有返去我熟识既大埔揾食啦 ﹗都有段长时间无黎帮衬喇。一黎到刚好有张大枱，唔洗等真爽 ﹗见姐姐们好忙㖞，突然间劲多外卖。佢地叫我等等先，搞埋少少野就过黎帮我落单。攞晒啲 menu 参详一下先，大致上菜色无咩改变，只系价钱加左少少啦。记得早前依个抵食二人餐系 100 蚊有找架，依家加左差不多 10 蚊咯。食左咁多次都系食咖哩，间中都叫过下小炒，其他野真系无点试过呢。咖哩牛腩饭大辣炒底跟柠底罐装可乐，炒底加 HKD7 蚊、罐装可乐加 HKD3 蚊，是但无所谓。咖哩牛腩饭大辣炒底，哗 ﹗炒得咁鬼靓呀 ﹗仲有埋葱花添 ﹗依 HKD7 坚抵比啦，师傅好有 heart 㖞 ﹗食左几十年炒底，从来未见过送埋葱花架，而且依碟饭炒得干身有镬气，饭粒咽靭饱满，食落足满蛋香，Very Good ﹗我要大辣唔该。其他食客听到好似好惊讶咁，大辣之麻。睇黎系因为大部份食客都只系食中辣、小辣、唔辣挂。咖哩牛腩要捞匀晒去先食架 ﹗浓郁印度香料咖哩味道，大大羮辣咖哩配啖炒饭送入口，好食到震呀 ﹗不停食不停食，捞饭捞饭，完全暴走状态，大辣咖哩辣得够刺激又兴奋 ﹗边食边冒汗，满