影片
更多
2023-12-27
694 浏览
TLDR: 质素差劣，服务仲要系再差一级。入门见到开电视播佢老细手作刀削面嘅采访节目，以为应该有返咁上下质素保证，点知副眼镜跌咗去对面街。前菜小食：首先上枱嘅系小食凉拌莴笋，加埋个份量应该两只匙羹滗得晒，目测应该有两片打边炉嘅莴笋片切丝嚟食。个汁系合格嘅其实。主菜：备注要腍啲嘅热拌刀削面，捧出嚟竟然系完全唔透心嘅，中间仲见到面粉团质感，仲系好粉，根本就完全未熟透。食物评论: 煮不熟，份量亦偏少，味道差。服务：同个侍应讲，仲要继续辩驳叫我净系食汤面算吧啦，不如唔好再嗌干捞，笑咗。之后拎咗我张单去扮沟通，然后原封不动放返喺我枱面完全冇跟进过。你要撑嘅一系型到尾唔好跟进，你要有跟进嘅唔该俾返少少诚意真系早啲动作跟进。最后最后碗面我冇食到，要求而家买单走人，死死地气过嚟我讲话换过米粉？多谢晒唔需要，直接埋单走人。我食乜嘢我自己话事，唔需要你教。备注：有时候有啲颜色食店俾人标签或者睇死做唔掂唔系冇原因嘅，想帮你都帮唔落，好自为之生下性。
入门见到开电视播佢老细手作刀削面嘅采访节目，以为应该有返咁上下质素保证，点知副眼镜跌咗去对面街。
前菜小食：
首先上枱嘅系小食凉拌莴笋，加埋个份量应该两只匙羹滗得晒，目测应该有两片打边炉嘅莴笋片切丝嚟食。个汁系合格嘅其实。
主菜：
备注要腍啲嘅热拌刀削面，捧出嚟竟然系
完全唔透心嘅，中间仲见到面粉团质感，仲系好粉，根本就完全未熟透。
食物评论: 煮不熟，份量亦偏少，味道差。
服务：
同个侍应讲，仲要继续辩驳叫我净系食汤面算吧啦，不如唔好再嗌干捞，笑咗。
之后拎咗我张单去扮沟通，然后原封不动放返喺我枱面完全冇跟进过。你要撑嘅一系型到尾唔好跟进，你要有跟进嘅唔该俾返少少诚意真系早啲动作跟进。
最后最后碗面我冇食到，要求而家买单走人，死死地气过嚟我讲话换过米粉？
多谢晒唔需要，直接埋单走人。
我食乜嘢我自己话事，唔需要你教。
备注：
有时候有啲颜色食店俾人标签或者睇死做唔掂唔系冇原因嘅，想帮你都帮唔落，好自为之生下性。
张贴