濰京坊

营业中

休息中

原本出北角系想食另一间已经好耐都冇去的餐厅，但见到个间餐厅个菜单变晒，连人都转埋，咁都系转来潍京坊食晚餐啦。因为谂住之后仲要食糖水，所以今餐都系唔需要食太饱，只系叫左个饭同饺子。炸排骨菜饭 - 炸排骨的炸粉唔算厚，反而炸得几香口，肉质都唔错，菜饭够大碗，唔怕唔够食。北京水饺 - 其实叫之前都唔知北京水饺即系点，都系抱住试下新野咁去叫。咁而家试左就知道原来北京水饺即系肉饺，虽然肥腻左D，但都好味，而且分量都唔少!整体而言，食物质素比想像中好，重要系唔算贵，下次可以来试埋其他野食。