來佬餐館 (已結業)

今日约左朋友系湾仔食饭，我地最近都好多锁碎烦事，所以今日谂住食餐好啲嘅， 我就要负责谂下食乜。但湾仔呢区每逢lunch时间都人头涌涌， 想揾间好啲啲坐得舒服但又唔系天价嘅餐厅一啲都唔易！上网search左一轮，决定嚟试来佬餐厅， 佢当日系中环开时我就一直想嚟试架喇， 但一直都阴差阳错揾唔到机会， 今日佢搬到湾仔，我终于可以嚟试喇👍。我订了12：30pm, 可能附近啲人都放1：00挂，所以我到时都唔算多人， 不过到落完单之后就陆续填满客人。我想食饭， 所以点了濶佬鸡蛋义烧饭，而朋友就要左份有得锯扒嘅午餐。餐汤是磨菇汤， 味道唔错， 都认真食到磨菇蓉嘅。呢个义烧饭果然系濶佬先会点， 事关价钱一点也不便宜，如果加钱要埋块鹅肝就仲名贵添，好似我咁😝。义烧的而且确好好味，肉质鲜嫩，味道适中，而且义烧件嘅份量亦算多，但米饭就较硬身同有点冻，太阳蛋就冇 理由会出事。另外加钱加嘅鹅肝，虽然质素同味道都唔错，但干争争咁上碗，一点油水或酱汁都冇，感觉有点差🙄！朋友嘅午餐牛扒 🥩烹调煎法都OK, 但牛扒肉味道偏淡口。最后餐饮没特别，咖啡有点差。总括黎讲这餐饭味道只属不过不失，但性价比就有点低。