瀛喜日本料理 (已結業)

对新界区真系一啲都唔熟悉。今日同朋友因为工作关系去左元朗，收工行过呢间门面几抢眼嘅日式放题，好肚饿嘅我地就入去试下啦！同好多放题一样都系任饮任食，呢度嘅饮品款式大多数系韩国货，感觉几好。刺身第一碟上枱嘅时候特别肚饿。三文鱼及帆立贝都好大旧。刺身嘅款式都种类繁多: 甜虾，玉子，吞拿鱼，油金鱼，马刀贝，鲍片，八爪鱼！其余比较特别啲嘅有: 珍珠黑鸟贝，荣螺片。味道食得出新鲜，所以最后我哋叫咗好多转！原只帆立贝芝士焗扇贝邪恶嘅蛋黄酱+芝士+蟹籽连埋一齐焗，入口好香蛋同芝士嘅味道！真系太好味，我哋总共食咗一打。紫薯牛油焗，好香口。入口超清甜。食多几件都唔会话好滞！蜜桃蟹籽沙津沙律质素高，入口唔会成咀都系沙律酱。爽口又清新。蒜香牛柳粒牛柳粒味道浓，松软。上面铺左炸蒜，如果钟意饮啤酒嘅朋友一定都会好钟意呢个。炒蚬虽然呢度系日式放题，但系居然有泰式味道嘅炒蚬出现！抄得好有火候而且有少少微辣。又系一个好开胃嘅小菜。迷你雪糕糯米糍雪糕糯米糍嘅味道都系随机抽俾你嘅，今晚有芝麻同荔枝味，总括来讲都几好。另外仲有大脚板雪条，虽然真系好想食。无论系主菜天妇罗都好好食，唔经唔觉我哋已经饱左个肚。