影片
更多
2018-10-08
3896 浏览
经过悠长嘅炎夏，卒之有啲秋意喇，最想嘅喺去日本睇红叶，不过，基于工作关系，10月、11月都喺难以请假嘅日子。最近，就同朋友仔去到湾仔「香港诺富特世纪酒店」嘅Le Cafe食自助餐，皆因知道佢哋趁日本秋祭新推出嘅主题：「东瀛の味」自助晚餐，睇起嚟几吸引嘛。自助晚餐供应时间喺每日6:30pm– 9:30pm，价钱方面，以成人计，星期一至四收$508+10%，而星期五至日、公众假期及前夕则只贵少许，收$538+10%。成为酒店FB专页粉丝更提供低至65折嘅折扣优惠，所以，平日嚟食番餐，折后连加一，都只喺$381咋，供应期去到11月30日。酒店离湾仔港铁唔远，所以，嚟Le Cafe都相当方便，而餐厅位处1楼，地方都几阔落，枱与枱之间嘅空间足，唔会太逼，配合柔和灯光，感觉都几舒服。最钟意喺有少量圆枱，适合7到8人，方便围住倾偈。既然主题喺东瀛，场内自然有唔少相关嘅布置、装饰，确喺增添唔少气氛。当你留意到食物名牌特别以秋叶设计嘅，就表示喺主题菜式，无正式数过，但目测估计都有近三十款，分布晌唔同食物类别当中。然而，所有食物都摆放得够集中，晌入门口右边区域，就有两大张长型食物枱，摆放沙律、冷盘、海鲜、
自助晚餐供应时间喺每日6:30pm– 9:30pm，价钱方面，以成人计，星期一至四收$508+10%，而星期五至日、公众假期及前夕则只贵少许，收$538+10%。成为酒店FB专页粉丝更提供低至65折嘅折扣优惠，所以，平日嚟食番餐，折后连加一，都只喺$381咋，供应期去到11月30日。
酒店离湾仔港铁唔远，所以，嚟Le Cafe都相当方便，而餐厅位处1楼，地方都几阔落，枱与枱之间嘅空间足，唔会太逼，配合柔和灯光，感觉都几舒服。最钟意喺有少量圆枱，适合7到8人，方便围住倾偈。
既然主题喺东瀛，场内自然有唔少相关嘅布置、装饰，确喺增添唔少气氛。当你留意到食物名牌特别以秋叶设计嘅，就表示喺主题菜式，无正式数过，但目测估计都有近三十款，分布晌唔同食物类别当中。
然而，所有食物都摆放得够集中，晌入门口右边区域，就有两大张长型食物枱，摆放沙律、冷盘、海鲜、热盘、汤品……等等，另外仲有两大个开放式厨房，供应唔少即制美食，最边边就喺饮品区及甜品区。
为配合东瀛主题，更特别提供日本酒品，如清酒及特色鸡尾酒，不过，喺需要另外加钱享用。
自助饮品吧一边喺柠茶、橙汁、啤酒，另一边就有红茶、即磨咖啡及柠檬片，唔使多介绍，都知点搞啦。好似小弟依啲悭友，既然餐厅提供自助饮品吧，任斟任饮，就梗喺饮佢啦，鲜橙汁啱我，一边食一边饮。临尾，亳无悬念，就喺咖啡伴甜品。
沙律先介绍吓自助餐必备嘅沙律吧，几款沙律菜、十多款配料、几款酱汁、数款预制好嘅特色沙律，整体唔算话好特别，但就做足基本，唯最意外沙律菜其中一款喺羽衣甘蓝，而随意都可以砌出一大份沙律拼盘。
生果盘是晚所供应嘅生果有新鲜菠萝、西瓜及哈蜜瓜，其实啲生果摆晌甜品区𠮶边，不过，我嘅「头盘」有佢，就先介绍吓。
头盘先喺一大碟叫人越食越开胃嘅杂绵沙律，样样沙律菜、配料都要啲，再加点新鲜生果。哈哈，呢个组合近乎喺小弟次次食自助餐嘅指定动作，而食材用料新鲜，已经唔会差得去边。
冷盘可以讲分开两组，一组喺惯常所见嘅西式，如烟三文鱼、火腿片、烧牛肉，但亦有不常见嘅鸡肉薄片及鸭肝酱。
而另一组就喺主题嘅日式，咁会有啲咩呢？如牛蒡丝、炙烧三文鱼、多款和风渍物。
朋友就夹咗少少返嚟食，小弟就黐佢少少过吓口瘾，感觉唔错㖞，整得有板有眼，尤其啲牛蒡丝，爽爽脆脆。
冻海鲜、即开生蚝初头行第一转时觉得海鲜类唔算强，只喺见到松叶蟹脚、冻甜虾、翡翠螺及青口而已，再行埋其他区域，先发现晌另一边，原来有嚟自法国及爱尔兰嘅即开生蚝，成晚源源不绝供应，食几多就要几多。
啲生蚝质素不赖呀，虽然唔喺话好大只，但够鲜味，质感爽脆，带浓浓嘅海水咸鲜味，蚝味嘅余韵长。
再嚟一碟就冻海鲜拼冷盘嘢，蟹脚及甜虾都冰凉鲜甜，尤其啲蟹肉食落确喺带鲜味；冷盘方面，烧牛肉觉得比较好，其他几样就一般般啫。
面包篮有长法包、小个装嘅欧陆包，原来下层仲有啲牛角包添，真喺唔好奇拉开都唔知有好嘢。
芝士盘就晌面包篮旁，放有多款软硬芝士，如车打、艾文、羊奶芝士……等等，配以少少红莓干。小弟觉得，有唔少食物都缺少咗啲名牌，如加番晒就好啲。
汤品餐汤分别摆晌热盘区长食物枱两边，虽然呢度无炖汤，但有啱晒我呢啲气管唔好嘅海底椰鳄鱼肉汤，而另一边就有和风主题菜式嘅面豉汤，以取代西汤。
食到中尾段，揾碗中汤间场，斋饮闷闷哋，所以拼少少法包及芝士。个汤都几清甜、几润，法包极有咬口，拼乜嘢芝士都衬。
热盘区夹杂多款中西日菜式，先讲主题菜式先，就包括有日式天妇罗（炸野菜及炸虾）、茶碗蒸（日式蒸蛋）、盐烧鲭鱼、豚角煮（炆黑豚腩肉）、寿喜烧（日式火锅）、关东煮、日式咖喱猪肉、日式鳗鱼饭，而其他热荤就仲有烟烤汁烧鸡、杞子上汤娃娃菜、家乡红烧肉、原条蒸海上鲜、香浓茄汁烩扁豆、印度虾咖喱。
刺身、寿司饭晌其中一个开放式厨房就提供咗多款刺身，包括三文鱼、油甘鱼、剑鱼腩、八爪鱼，但另外加映原只北海道带子及红虾刺身碗，一小份一小份预备好晒等客人自助。
寿司至于啲寿司，一大盘杂锦款式摆咗晌冻海鲜𠮶边，旁边仲备有酸姜，喺食刺身或寿司嘅好拍档。此外，寿司旁仲有啲荞麦冷面。
见啲带子及红虾好似几正，所以，就夹埋啲刺身及面豉汤砌成一份和风组合。带子及红虾同样爽口鲜甜，反而，另外几款刺身小弟就觉得不过不失，较大问题喺唔够冻。食咗几样冻嘢，饮番啖面豉汤暖暖胃、平衡吓就最好，而碗面豉汤又几唔错㖞，加咗少少烟肉，阵阵面豉再带点咸香。
拉面屋台平常晌自助餐度，甚具本土特色嘅车仔面喺必备，但嚟到依度，因为主题关系，就改以日式拉面、乌冬上阵，配以香浓嘅猪骨汤。当然，𩠌料就变成日式叉烧、肥牛、鸣门卷、油豆腐、木耳丝、笋干……等等。
炉端烧、铁板烧另一边开散式厨房就有炉端烧、烤肉及即烤薄饼，先介绍前者，无正式统计，不过凡经过时就望一望，大概见到有鸡肉串、鸡软骨、烧五花腩、炸和牛粒……等等，而侧旁仲有啲铁板烧茄子、冬菇、𫠒鱼小丸子……等等。
烤肉是夜就有西冷及羊架两款，两款肉都烧得好靓仔、好吸引，而枱前就放有多款调味，烧汁同黑椒汁就基本架啦，仲有英式芥末、香槟芥末、法式芥末及辣根汁。
即烤薄饼开放式厨房后设咗一大座烤炉，专用嚟制作薄饼，清楚睇见面粉团及多种配料，所有薄饼都晌度即做，可谓新鲜出炉。如果能够改为做啲迷你薄饼，客人点先即烤烘，新鲜热辣送上枱，咁嘅效果就真喺一流。不过，呢啲又喺牵涉人手问题。
接近尾声，先嚟一碟主题菜式嘅热盘，茶碗蒸好食，啲蛋滑，底下有好多配料；豚角煮亦好食，香浓而松化；串烧和牛粒及寿喜烧牛肉同样好味，软腍有牛肉香；相反，关东煮就浸得太腍（因为小弟喺近尾段时间先食），天妇罗唔喺炸起即食，亦变得大打折扣，所以，天妇罗放晌炉端烧𠮶边，小批量去做以保「新鲜」效果会理想啲。
第二碟热盘就选取咗西冷、羊架、烧鸡、薄饼同小丸子，两款烤肉都比预期好㖞，西冷烤得啱啱好，质感软腍，而羊架肉质好柔嫩，兼且唔太膻；薄饼就始终唔喺即焗起就即食，质素会喺无咁理想，最唔得啲小丸子，腍晒得团粉。
甜品区基本上集中晌右边末端位置，先见到一大张圆枱，分上下两层放满各式各样嘅甜品，有大个装嘅蛋糕，如绿茶慕丝蛋糕、芝士饼、黑森林蛋糕……等等；而的的骰骰嘅甜点亦唔少，好似啫喱、布甸、奶冻、慕丝杯……等等；此外，以日式为主题嘅和果子、北海道牛乳布甸，不少都甚具特色，卖相精致。
仲有就喺小朋友睇见至开心，有得玩，有得食嘅朱古力喷泉，以及即制班戟机。
因为今次迟去，又食得慢，所以，轮到我嘅甜品时段时就无咗部份款式，但点都砌到一大碟甜点拼盘。几款日式和果子OK㖞，好肉柿子嘅南瓜丸子好有惊喜添，件樱花豆沙卷亦讨人喜心；绿茶慕丝饼中间夹有芒果啫喱，多咗层次嘅变化，黑森林亦真材实料，混有浸咗酒嘅车厘子果肉。整体嚟讲，实属唔错。
Movenpic雪糕唔单止甜品唔少，更供应成本唔平嘅Movenpic杯装雪糕，一共有5款口味，好几款都喺小弟嘅心水口味。
一起手拣咗4款，但唔喺我一个人食晒，友人都好钟意食雪糕，想试多啲款但又怕食唔到咁多，故此，就一于攞4款嚟「些牙」。Movenpic雪糕一晌有质素，唔使多怀疑，4款味亦都正，推介就梗喺枫糖合核及意大利浓缩咖啡啦，超正。
顺带一提，甜品区附近更摆咗支朱古力浆，目的喺俾客人可以晌啲甜品上写啲祝福语，庆祝好友生日就最好不过，但前题喺手字写得靓先好搞，哈哈！
诺富特酒店晌香港有3家酒店，先后都帮衬过晌东涌嘅「诺富特东荟城酒店」Essence餐厅及佐敦嘅「香港九龙诺富特酒店」the SQUARE餐厅，是夜到访埋Le Cafe餐厅。综合去过嘅经验，Essence环境比较阔落宽敞，因东涌地方大嘛；而食物质素就以Le Cafe秤高少少，尤其呢晚啲主题美食。顺带讲吓服务，食物嘅补充、店员嘅收拾都算勤快，去到9:00pm，我见有部份客人都陆续离开，但有啲食物都照补充。然而，食物加番晒啲名牌会好啲，因为有啲人可能就喺唔知乜嘢而唔敢试，食自助餐好玩在大把嘢俾你试吓嘛。
张贴
