滿屋日本料理 (已結業)

好想食日本嘢，清新唔油腻，但又惊唔够饱，最好就系食放题经济实惠，今日嚟铜锣湾 满屋，就放纵一下自己！冷盘食放题梗系食个刺身拼盘先，有三文鱼、油甘鱼、吞拿鱼、希灵鱼、帆立贝、北寄贝、甜虾、赤虾。 三文鱼肥美，油脂甘香。希灵鱼有很多鱼子有嚼口。甜虾鲜甜爽口！冻海虾、大蚬、海螺、日式螺肉、海草、沙律前菜和餐汤，就自己喺吧台攞，有酒店自助餐质素！食鱼生最好就系配清酒，呢度冷、热任饮，仲有梅酒供应!热荤寿司、串烧、天妇罗、中华料理，贪心的我，每样都想试下！ 个人喜欢火炙寿司， 阵阵焦香特别惹味，推介火炙鳗鱼和芝士蟹棒黄金烧！天妇罗炸得好脆 冇油益味，特有龙趸天妇罗，第一次食，肉质嫩滑鲜甜！烧羊架肉质嫩滑软熟，油脂均匀啖啖肉。 烧海虾肉质爽滑。仲有我嘅至爱烧蕃薯仔，香口腍身甜甜地!甜品Haagen dazs雪糕，每人一杯仲有限定口味。其他自制小杯甜品，就自己出去雪柜攞，好多款式色彩缤纷，绝对不逊酒店级数！