瀧

营业中

休息中

庆祝BB生日，特登拣左间中环嘅高级日本餐厅食Omakase。入到店面好快就被安排左系omakase台前坐。食Omakase其中一样食嘅，系食服务。服务都几周到，一开头比齐menu同湿毛巾。拣完食咩餐，一场长达三小时嘅食饭体验就开始啦～前菜系松叶蟹蟹膏配昆布暏哩。一坐低就有蟹盖食，超开心！！蟹膏加埋啫哩，口感好得意～第二道都系前菜：有柚子豆腐、甜薯、芥末鱿鱼同海胆鹌鹑蛋。当中最欣赏系个豆腐，真系好香柚子味，一摆落口有好fresh感觉。之后有汤湿湿个口：蚬肉清汤。其他餐厅或者只会有一只蚬，但呢道比够3只！清有好清甜，好味！之后就到我最钟意食嘅刺身啦！有平政鱼、池鱼同拖罗。当中大拖罗真系正到震！层油好肥好香，完全做到大拖罗应有口感！平政鱼同池鱼都非常新鲜。掂啊！下一道系子持鱿鱼。入面系滑珊珊嘅..老实讲唔系好惯，当自己食紧秋葵咁，不过个汁好好食，好浓好似烧汁咁。经理话呢个系季节限定，当系试吓新嘢～已经数唔清系第几道菜：慢煮猪肩。望落已经知道好淋好食，食落有炭烧味，而且煮到好软，真系名符其实慢煮嘅料理！ 都几有惊喜！望住师傅点蛋浆，就知道食天妇罗时间到啦！调味料有普通盐、芥末盐、柠檬同萝卜蓉。