大葉日本料理 (已結業)

睇咗之前D食评，个个都写得几好，于是就订枱去品尝，我地九个人7点钟去到全场得一枱客系度，心想品评咁好无理由得一枱客？？？食完之后就知点解喇！我地全部人点咗厨师推介，第一度菜先嚟个普通沙律，之后全无鲜味嘅什锦刺身，海胆加青瓜卷，包海胆D紫菜又淋又湿，完全唔掂！柚子鸡翼，猪肉蛟子，呢D咁普通嘅嘢都上得枱，真系服咗呢间日本料理，厨师推介㖞，唉.........！三文鱼刺骨边，下栏到唔下栏，全无味道嘅福袋雪藏螺肉，天妇罗，呢款都似返少少样，跟住嚟个美国肥牛包住条萝卜嘅卷，都唔知系乜嚟，睇到都唔想食，鱼汤乌冬，最后嚟个普通甜品，乜嘢北寄贝,和牛，都唔知去咗边，食完就知道点样濑晒嘢喇，埋单六百蚊一位，仲话打咗个九折添㖞！食D咁嘅所谓厨师推介嘢，真系三百蚊都唔值！唔怪之得成晚都系得两枱客啦！呢镬嘢摆明系比人整蛊，绝对唔会再有下一次！