上海三六九菜館

营业中

休息中

「三六九」一定是老牌上海馆的表表者，都喺湾仔骆克道附近经营左好多年～ 第二次来吃，又坐同一张枱。每次黎亲呢度食饭都系好多人好迫，啲侍应都好忙做到冇停手。唔知系因为太忙定点，侍应嘅待客态度同服务态度都唔太好，见到其中一个侍应好冇礼貌咁同隔离枱嘅客人讲嘢，例如叫佢乜嘢有得食就食啦。讲返我哋今次叫咗一个狮子头客饭同埋一个排骨汤面，佢哋会送返一碗汤，今次个汤系青红萝卜煲得唔差。到啲食物上枱嘅时候，卖相就一般，不过佢哋个客饭唔知系咪见我哋有两个人就俾咗两碗饭。狮子头客饭味道比较清淡唔会话做得太重味，啲肉做得都实，唔会好一夹就散左，啲猪肉都几腍，整体几好味。另外讲返个排骨，炸咗出嚟都几酥脆，但肉身唔会话太好食，普普通通。不过整体嚟讲作为上海餐馆，食物选择都算好多，下次都会再嚟试吓其他唔同选择。