聰。C Dessert

营业中

休息中

今日相约朋友系湾仔见面，食完饭后朋友带我去食系湾仔好出名的糖水舖，下昼一点几竟然差唔多full house实在太夸张，入到餐厅见到墙上有刘德华先生嘅提笔十分抢眼，座位紧贴，好有温度。呢度糖水选择好多，有传统中式糖水如桑寄生莲子蛋茶、川贝圆肉炖雪梨，亦有以豆腐花、刨冰、椰果冰、仙草冻、西米露、牛角窝夫制作嘅甜品。我地点了香蕉朱古力酱焦糖脆脆牛角窝夫同埋鲜什果水晶珠。鲜什果水晶珠有草莓、西瓜、哈密瓜、蜜瓜、芒果和香蕉，什果好新鲜，配上粒粒水晶珠卜卜爆声口感非常之特别，记得捞埋系底既浓浓芒果汁嚟沾上鲜果，十分fresh!香蕉朱古力酱焦糖脆脆牛角窝夫，个窝夫系用牛角包压成，口感松脆，配上香蕉、朱古力酱和焦糖酱十分搭配，最特别系食焦糖脆脆咬落去卡卡声配上雪糕成件事好好味好幸福。见到隔离枱嗌左个必食推介的榴梿水晶珠，成碗都系榴梿肉，啖啖榴梿肉真系看到心心眼😍，因为太饱，下次先可以嗌嚟食。呢度有14个自选配搭，点配搭由自己话事。