影片
更多
2024-03-07
4167 浏览
ULURU📍湾仔春园街1-11号春晖大厦1楼之前同大家分享过，自从我返咗新工之后，朋友就经常同我约喺放工后一齐食晚饭。如果时间好赶，我哋就会快食粥呀、米线呀、拉面之类；如果时间许可，就会物色一啲可以坐耐啲嘅地方，例如西餐、烧烤或cafe。今晚我提早book咗位于春园街嘅ULURU，一间人气非常嘅2D黑白打卡cafe，同朋友撑下台脚。拣呢间cafe嘅其中一个原因，就系最近喺ig见到好几款佢哋出品嘅甜品，每款都各有特色，而且造型特别，好打卡able。 💰$258烤焗美国猪鞍扒 🐖我同朋友一人拣咗一个main嚟share，我嘅选择系店员推介嘅烤焗美国猪鞍扒。猪鞍扒嘅份量好足，足足占咗餐碟嘅2/3，仲有烤焗杂菜同苹果蓉伴碟，摆盘十分精美。烤焗过嘅薯仔外脆内软、西兰花够晒多汁、类像法边豆嘅豆类清脆爽口，即使系配菜但一啲都唔不马虎。主角猪鞍扒外焦内嫩，因为处理得刚刚好，所以用刀叉轻轻一切，扒肉就随随落下，非常鲜嫩多汁，口感极佳。平时食肉，只要有脂肪，我就会整走咗先食。但食呢块扒就唔需要咁做，尽管扒肉同脂肪相连，但因为脂肪已经过烤同焗既过程，基本上系入口即化，食每一啖都品味到猪肉嘅油香，沾烧汁嘅同时
📍湾仔春园街1-11号春晖大厦1楼
之前同大家分享过，自从我返咗新工之后，朋友就经常同我约喺放工后一齐食晚饭。如果时间好赶，我哋就会快食粥呀、米线呀、拉面之类；如果时间许可，就会物色一啲可以坐耐啲嘅地方，例如西餐、烧烤或cafe。
今晚我提早book咗位于春园街嘅ULURU，一间人气非常嘅2D黑白打卡cafe，同朋友撑下台脚。拣呢间cafe嘅其中一个原因，就系最近喺ig见到好几款佢哋出品嘅甜品，每款都各有特色，而且造型特别，好打卡able。
[价钱 Price]
💰$258
烤焗美国猪鞍扒 🐖
我同朋友一人拣咗一个main嚟share，我嘅选择系店员推介嘅烤焗美国猪鞍扒。猪鞍扒嘅份量好足，足足占咗餐碟嘅2/3，仲有烤焗杂菜同苹果蓉伴碟，摆盘十分精美。烤焗过嘅薯仔外脆内软、西兰花够晒多汁、类像法边豆嘅豆类清脆爽口，即使系配菜但一啲都唔不马虎。
主角猪鞍扒外焦内嫩，因为处理得刚刚好，所以用刀叉轻轻一切，扒肉就随随落下，非常鲜嫩多汁，口感极佳。平时食肉，只要有脂肪，我就会整走咗先食。但食呢块扒就唔需要咁做，尽管扒肉同脂肪相连，但因为脂肪已经过烤同焗既过程，基本上系入口即化，食每一啖都品味到猪肉嘅油香，沾烧汁嘅同时配上少少苹果蓉一齐食，能中和油滞感，整道菜基本上不能挑剔。
[价钱 Price]
💰$288
慢煮羊膝伴野菌意大利饭 🐏
而朋友就选择咗慢煮羊膝伴野菌意大利饭，本来我哋都以为个risotto系白汁𠮶种，估唔到同肉味浓郁嘅羊膝又出奇哋夹㖞。虽然risotto整体唔算好creamy，口感亦偏硬，但味道方面真系几出色。
我会咁讲系因为佢嘅味道浓郁，除咗食到杂菌，红椒黄椒嘅味道亦好出，sauce亦非常浓香，唔配羊肉就咁单独食都已经好滋味。而至于羊膝，份量大就已经唔洗讲，再加上好浓稠嘅酱汁，带出羊肉嘅鲜味，但唔会食到膻味。羊膝肉大部份都煮得入味腍身，厚肉哋嘅位置会结实少少，但又唔会过干过硬，我哋认为绝对值得一试。
[价钱 Price]
💰$118
富士之樱祭 🗻
终于写到我心目中今餐嘅主角，甜品啦，真系好想将我哋食用时最真实嘅感觉同大家分享！第一道要介绍嘅系富士之樱祭，相信造型美观特别就唔需要我多讲啦，但我哋真系好欣赏设计呢款甜品嘅人嘅用心。
小小嘅绿茶富士山丘上，座落一座神社，山脚位置有泥土同散落一地嘅花瓣，画面唯美有诗意，亦有浓浓嘅和风，在场食客基本每台都会叫嚟食。呢款造型咁靓嘅甜品，其实系以mascarpone cheese同丸久小山园绿茶粉，打造嘅双色Tiramisu，内馅方面有焙茶手指饼，围边仲有大量用曲奇碎整成嘅crumble，好睇又好食。
Tiramisu唔似一般幼滑嘅感觉，反而有少少似奶冻嘅口感，相信系想模仿山嘅造型而整得挺身少少。用上盛嘅日本产绿茶粉整嘅，绿茶味难怪会咁浓郁啦，茶味无丁点苦涩，完美融入Tiramisu内，大家嚟到一定要叫返个呀！
[价钱 Price]
💰$128
噜噜米－森の家
细个有钟意过姆明嘅我，居然一直无留意佢间屋到底系点既！为咗求证，我真系有google过㗎，虽则同姆明间屋嘅外形有啲分别，但都离不开蘑菇嘅theme。朋友指明要叫呢款咁可爱嘅甜品嚟食，真系好少有，睇嚟佢嘅吸引力真系好大㖞！
我想大家留意一下蘑菇茎嘅位置，见到上面啡啡哋嘅地方吗，系咪好似真系喺泥土内生长出嚟嘅菇咁呢？连呢啲细节都咁俾心机去整，呢个价钱真心抵俾。呢间蘑菇屋主要系由草莓乳酪、草莓果茸、海绵蛋糕同白朱古力整成，草莓类嘅食材带有酸味，用返相对较甜嘅白朱古力就可以平衡返味道，真系有深思熟虑过㖞。
蘑菇底同样有以曲奇碎整成嘅crumble，但心思位就系cafe选用咗朱古力同抹茶味嘅曲奇去整，所以骤眼望落就好似真正嘅湿泥一样。再喺上面放上食用花同细叶，几可乱真！
[价钱 Price]
💰$52
Uluru玫瑰茶 🌹
Rose tea应该系呢度嘅siugnature drink，又系每台都会见到佢嘅身影嘅item。中等价位但咁大杯造型咁靓，未饮就已经觉得好有好感。佢主要系由玫瑰茶、士多啤梨puree、玫瑰糖浆做base，再以鲜玫瑰同rosemary装饰，饮落有玫瑰嘅幽香，同syrup嘅甜味，颜色鲜艳抢眼，相信好多女士都会钟意。
[价钱 Price]
💰$38
绿茶拿铁 🍵
我自己就叫咗我至爱green tea latte，无复杂嘅拉花，但有只好可爱嘅大眼仔，睇到即刻会心微笑。Latte奶味香醇，绿茶茶味芳香，呢个价钱有咁大杯，性价比好高！
张贴
