盈記四季養生麵館

营业中

休息中

今日午餐想食得健康啲，就谂起湾仔呢间主打药膳汤底嘅面馆。首先叫咗古法炆萝卜当前菜，炆得好腍，入晒汤嘅萝卜好甜。我叫咗个药膳杂丸养生汤米粉，因为药膳汤底有杞子同红枣，食落味道都有少少甜甜地，杂丸有贡丸同墨鱼丸，墨鱼丸仲食到墨鱼肉，咬落分外弹牙。朋友叫咗药膳农场鸡+日本花菇养生汤米线，花菇好好肉地，咬落去汤汁出哂嚟。农场鸡肉质嫩口，有鸡翼、鸡髀、同鸡胸肉。汤底仲可以加麻辣，非常惹味。饮品我哋一人叫咗一杯柠水同柠蜜，滋润一下。