影片
更多
2022-09-30
51 浏览
今日嚟到湾仔食川菜，呢间网上嘅评语好好，平日嘅夜晚都爆晒！基本上每一台都会叫酸菜鱼同埋糍粑，咁我梗系唔执输跟佢哋叫一样啦！总括而言份量好多，价钱又亲民，味道ok，唔会太辣，都适合香港人嘅口味！同埋真系有好多内地人去食，应该都算好正宗？个茶系菊花普洱？菊花味好香浓好出，一啲都唔会苦涩，感觉好清热解毒！冲咗好几转都仲系好香好龙尾真系加分嘅！🍴川香板招牌老团酸菜鱼 鲈鱼 小份 $238 (8/10)酸菜鱼片都几多，鱼片切得比较薄身，都几滑有鱼味同鲜味，但鱼肉嘅质地比较松散，个汤每日新鲜煲鱼汤，真系饮到有鲜味嘅，味道系偏酸，唔会太辣，但系好轻微嘅麻，食唔到好辣嘅人都食到，酸萝卜酸菜都够酸，比较偏淋。冇额外加配菜都有鸡髀菇，如果加钱要薯粉仲有买一送一优惠，真系够晒两三个人食，呢个价钱呢个质素都好抵食好唔错！🍴辣子孜然香脆羊肉 $128 (7/10) 份量好足，羊肉炸到好香脆，炸得比较干身，肉质唔鞋口，有羊肉嘅臊味，唔知点解食落甜甜地？虽然好多辣椒，但未去到好辣，属于小辣，好香辣椒孜然嘅味道。🍴沙坪坝水煮牛肉 $138 (7/10)份量非常之足！水煮嘅味道属于香辣麻香，但真系唔会好辣。配料都好多，
个茶系菊花普洱？菊花味好香浓好出，一啲都唔会苦涩，感觉好清热解毒！冲咗好几转都仲系好香好龙尾真系加分嘅！
🍴川香板招牌老团酸菜鱼 鲈鱼 小份 $238 (8/10)
酸菜鱼片都几多，鱼片切得比较薄身，都几滑有鱼味同鲜味，但鱼肉嘅质地比较松散，个汤每日新鲜煲鱼汤，真系饮到有鲜味嘅，味道系偏酸，唔会太辣，但系好轻微嘅麻，食唔到好辣嘅人都食到，酸萝卜酸菜都够酸，比较偏淋。冇额外加配菜都有鸡髀菇，如果加钱要薯粉仲有买一送一优惠，真系够晒两三个人食，呢个价钱呢个质素都好抵食好唔错！
🍴辣子孜然香脆羊肉 $128 (7/10)
份量好足，羊肉炸到好香脆，炸得比较干身，肉质唔鞋口，有羊肉嘅臊味，唔知点解食落甜甜地？虽然好多辣椒，但未去到好辣，属于小辣，好香辣椒孜然嘅味道。
🍴沙坪坝水煮牛肉 $138 (7/10)
份量非常之足！水煮嘅味道属于香辣麻香，但真系唔会好辣。配料都好多，好丰富，有油麦菜青瓜薯粉，牛肉都几大块，系似滑牛𠮶一种，质地比较有口感。薯粉好淋好挂汁，青瓜同油麦菜都好爽口。
🍴家乡自家制红糖糍粑 $38 (7.5/10)
有8块咁多！红糖糍粑炸到好香脆，入边系烟靭嘅糯米，几香有啲似煎堆！加埋甜甜地嘅红糖真系几唔错！
🍴四川冰粉 $28 (7/10)
冰粉好似冻冻地嘅凉粉咁，上面有桂花糖都几香，唔会太甜，同埋真系解到辣，食完去到个位胃度啲辣味就冇晒，同埋唔会再好㷫👍🏻
推荐指数: 7/10
价钱贴地亲民，味道唔错，份量又多足料，系湾仔呢个价钱呢个质素真系算唔错啦，如果系湾仔想食川菜都可以试吓嘅。
张贴
