凱旋餐室

营业中

休息中

终于都到九月份过多两个星期就系中秋节，一到呢啲日子就要买定月饼同屋企人做节，虽然天气不似预期仲系咁热，但系入夜后都有凉风送爽。今日一朝早就约咗两个老朋友去香港仔打网球，南区真系好少去而且近排仲有一个新商场开幕，所以打完波都行咗一阵。由于大家都唔系住南区，所以差唔多傍晚时间我哋都一齐出返去湾仔食饭倾下偈，由于三个麻甩佬都钟意去坐得舒服又够地道既地方，所以异口同声都话茶餐厅就最适合。喺湾仔虽然选择好多，但平时去开嘅都系一两间，一间系食烧春鸡，而另一间就系平时中午约埋食Lunch嘅茶餐厅。餐厅位置正正喺烧春鸡铺下面，之前食过呢间铺既炒粉面，镬气相当够而且烧味亦好新鲜，所以我哋入到去都坐返平时个位。因为有三个人所以今次可以食多少少嘢，餐牌上有套餐、有例牌而且亦有散叫，足足有成百几款选择，不过由于我呢排要Keep Fit比赛，所以今日净系食少少算，最后我哋三个人点咗干炒牛河同埋黑椒牛柳丝炒乌冬、叉烧同油鸡例牌、两杯冻饮同埋一碟油菜。同伙记倾咗几句，星期日可能多数人去旅行或者返大陆，人流少左的，所以真系要继续留港消费带旺经济。三个人一聚埋就好多野倾，食物大约十分钟就已经陆续上枱啦~~~ 首先跟餐都