影片
更多
2019-09-08
886 浏览
呢日夜晚同朋友喺金钟整完啲嘢都成9点半🕥，好多餐厅都已经关门或last order咗。行行下去到谭臣道发现仲有餐厅开㖞，即刻入去坐低，食完先发现原来呢条街劲多嘢食，呢间系第一间见到所以入咗去哈哈。夜妈妈竟然好好胃口想食肉，叫咗久违嘅铁板杂扒餐🥩($53)，要咗烧汁，渣渣声真系好正🤩。虽然啲肉就唔系咩嘢靓肉，肉味唔浓郁，但个量真系超多，猪🐖牛🐂鸡🐓烟肉🥓肠仔样样都有，配埋薯条🍟真系劲饱劲满足。铁板除咗旧式扒房外，都唔系好多餐厅有，咁嘅价钱抵食啦仲包嘢饮👍🏻。我朋友就要咗黑椒牛柳丝炒乌冬($50)，份量正常，几够镬气👍🏻，有用唔少牛肉同红绿椒炒。仲估唔到佢个黑椒味都几劲下，要饮冻饮解辣🥵。总括嚟讲，佢系一间普通嘅茶餐厅😂，有好典型好一般嘅环境，不过食物质素都几好嘅，份量亦正常。定价喺湾仔商业区嚟讲真系唔算贵，性价比唔错，有机会再经过要医肚饿都可以入嚟食下。
夜妈妈竟然好好胃口想食肉，叫咗久违嘅铁板杂扒餐🥩($53)，要咗烧汁，渣渣声真系好正🤩。虽然啲肉就唔系咩嘢靓肉，肉味唔浓郁，但个量真系超多，猪🐖牛🐂鸡🐓烟肉🥓肠仔样样都有，配埋薯条🍟真系劲饱劲满足。铁板除咗旧式扒房外，都唔系好多餐厅有，咁嘅价钱抵食啦仲包嘢饮👍🏻。
我朋友就要咗黑椒牛柳丝炒乌冬($50)，份量正常，几够镬气👍🏻，有用唔少牛肉同红绿椒炒。仲估唔到佢个黑椒味都几劲下，要饮冻饮解辣🥵。
总括嚟讲，佢系一间普通嘅茶餐厅😂，有好典型好一般嘅环境，不过食物质素都几好嘅，份量亦正常。定价喺湾仔商业区嚟讲真系唔算贵，性价比唔错，有机会再经过要医肚饿都可以入嚟食下。
张贴
