天府人家

营业中

休息中

成间餐厅嘅装修都系以中国传统特色为主，门口有个好特别嘅对联 - 「品巴蜀菜呼呼麻辣天下味，后雪山来缓缓细流汇香江」。环境舒适，座位宽躺，lunch time可以坐足2个钟，慢慢倾偈。佢哋有lunch set ，包小食同埋主食一款，主食可以拣面餐（$75）或者𩠌餐（$88），𩠌餐可以选白饭/小笼包，有9-10 款选择，喺湾仔区来讲算好抵食选择。麻辣鸡块即系口水鸡，肉质嫩滑，麻辣既辣有后劲，越食越辣，好惹味。凉拌海带丝海带丝非常爽口，虽然呢个钱财喺餐牌上面冇辣椒喺旁边，但食落去小辣。川北凉粉凉粉晶莹剔透，食落去非常滑溜，个汁入面有埋辣椒碎，大约系中辣嘅程度，凉粉吸收晒辣汁嘅精华，钟意食辣嘅朋友一定要叫呢个。川椒伴皮蛋皮蛋蛋黄少许流心，上面有一堆川椒碎，再加少少汁调味，川椒偏辛、苦、辣，提升𩠌菜嘅口感。麻辣鸭血粉条鸭血份量算多，有咬劲，吸收左麻辣汤底，粉条其实系薯粉，煮得软硬度刚好，非常滑，连埋汤一齐食好夹。菜单上面会有辣椒图案🌶表达菜式嘅辣度，大家可以根据自己食辣嘅程度拣返啱嘅菜，要注意嘅系如果冇辣椒图案喺旁边，代表𩠌菜系微辣。