逸東軒 (已結業)

响湾仔返工, 食过好多间有平有贵的酒楼, 逸东轩水准永远都keep到咁好.首先讲茶, 酒楼开位第一件事问你饮咩茶, 逸东轩好好, 有贵茶供应但不另收费, 例如龙井, 铁观音, 菊花等, 质素唔差, 茶同餐前小食都令人好满意, 唔似有d酒楼(贵至金x楼, x都, x海, x园.. 果d), 价钱高级, 但茶系俾最低级.招牌烧肉- 永远都咁好味, 皮好脆, 肥瘦适中.点心- 好好味, 大大粒, 食落无咩特别但总知好好味.其他菜色及炒饭炒粉面都好OK. 好味的菜色太多写唔晒.食过好多次水准都无试过失手, 同埋座位距离比一般酒楼阔落好多, 坐得好舒服, 值得推介.