風雲丸 (已結業)

依家香港啲拉面店开到一间接一间，其实边间最好食系真系好因个人口味。湾仔呢一间都开咗一段时间，我见成日都有好多人系入边，隔咗咁耐终于有时间去试吓。一入到去嘅感觉就系好传统嘅拉面店装修，光线充足，地方企理。呢度有拉面同沾面，咁我哋两个人就各叫一款。我拣咗肉盛石烧浓厚豚骨鱼味沾面$128贵少少有多几块厚豚肉，加埋400g面。好抵呀！豚肉经过慢煮，咬落去好林，面头烧香左，食落好香。汤底好浓郁的嘅豚肉味加上有少少鱼味，味道层次多咗，比普通豚肉汤底更好味。豚肉嘅份量真系唔讲得笑。结果食唔晒啲豚肉，剩返两旧要拎走。另一个辣豚肉鱼介拉面$93汤底好辣，系日本辛辣果种，辣得来几过瘾。拉面质感冇沾面嘅弹牙，但系各有特色。大食的人，如果俾我拣我会食沾面，面多d，饱肚啲。辛口沙拉烧饺子$38好好食呀！好好食呀！好好食呀！重要嘅事必须讲三次。饺子煎得啱啱好，皮脆肉嫩，加上辣汁好滋味呀！