牛壹台食 (已結業)

同事介绍湾仔有间牛肉面味道非常正宗，今日经过附近就过嚟试下。鲜橙绿茶，鲜橙绿茶先送上，橙味加绿茶都系第一次试，唔系咁多地方有呢个组合，感觉清新。红油抄手，抄手一口一啖，里面系胀卜卜嘅菜肉内馅，配上微辣嘅酱油，相当开胃。特浓牛腱心牛肉面，先呷一口汤底，充满浓郁嘅牛味，面条拣选咗刀削面，口感比起坊间一般嘅较为腍身，特别钟意佢啲牛肉肥瘦相间，食起嚟异常咁滑溜。古早味鲁肉饭，流心蛋个流心程度啱啱好，卤肉嘅肥肉同瘦肉成四六比，系我至爱嘅比例。