五指間蘭州牛肉麵

营业中

休息中

Lunch想食个热辣辣嘅汤面，去咗湾仔五指间兰州牛肉面。餐厅好似快餐店形式咁，先点餐后自己取餐。装修简约干净。兰州牛肉面：汤底清甜。牛肉系用牛腱部位，所以咬落林得嚟有弹性。拉面质感爽滑。红烧牛肉面：呢个系新出品。我觉得好似台湾牛肉面嘅味道，系浓浓嘅汤底。牛肉粒有一定厚度，咬落有口感。肉粒带有点点肥膏唔会太干太韧。牛肉粒吸收红烧汤的味道后为更吸引。羊肉串：唔会太细粒，口感弹牙。孜然味惹味。孜然牛肉肉夹馍：孜然味粉配牛肉都好夹，比较重嘅调味再配以肉夹馍，可以平衡返个味道，唔会太咸。冻酸梅汤：酸梅汤浓郁，酸酸美味几开胃，又唔会太甜酸奶：有惊喜，真系好食过平时超市买𠮶啲，果然新鲜制造系唔同。