影片
更多
2023-04-03
1768 浏览
📌 尚青商号 - 湾仔兰杜街4号文熙大厦地铺🗓(3/4) 星期一 ⏰ 晚上6点左右 💈特式：今日收工约左人系湾仔食晚饭，本身谂唔到食咩，另一半就介绍呢间台湾野，佢话食开而且高度评价。一去到见到个门面都已经几吸引，好有台湾风格，装修好有特色。🥩🍔🌭🌮🥗🥯🥘🍲🍝🍣🥟🍤🍱食物：今日两个人，叫左两个主食同两个小食，而家等我同大家讲下🇹🇼味道先。黑松露虎虾带子卤肉饭 - 呢个系餐厅限定推介，价钱就$118，未食之前我就觉得算贵，但食完之后我就觉得抵食。佢碗饭虽然唔大，但份量都足够饱；黑松露落得好重手，一d都唔悭，所以碗饭一上枱就闻到好香，带子系用刺身级数，好厚身再灸烧一下，又香又鲜味；虎虾对比起带子就有少许逊色，但都唔系差，都食到新鲜同爽口弹牙；卤肉份量好多，啖啖饭都充满卤肉，卤肉酱汁亦做得几好，唔太咸；配料再加左几条芦笋苗衬托，简直锦上添花；整体系高水准之作。埔里花雕半筋半肉手工宽面 - 呢碗面就$84蚊，都算合理价钱。用花雕做汤底系台湾店嚟讲系少见，花雕味好香，但又唔会盖过牛骨汤底嘅味；面量好多，不过美中不足系个面扬得唔够散，有部分面条痴埋一齐，影响口感；卤牛肉同牛筋份量就算适中，
🗓(3/4) 星期一 ⏰ 晚上6点左右
💈特式：今日收工约左人系湾仔食晚饭，本身谂唔到食咩，另一半就介绍呢间台湾野，佢话食开而且高度评价。一去到见到个门面都已经几吸引，好有台湾风格，装修好有特色。
🥩🍔🌭🌮🥗🥯🥘🍲🍝🍣🥟🍤🍱
食物：今日两个人，叫左两个主食同两个小食，而家等我同大家讲下🇹🇼味道先。
黑松露虎虾带子卤肉饭 - 呢个系餐厅限定推介，价钱就$118，未食之前我就觉得算贵，但食完之后我就觉得抵食。
佢碗饭虽然唔大，但份量都足够饱；黑松露落得好重手，一d都唔悭，所以碗饭一上枱就闻到好香，带子系用刺身级数，好厚身再灸烧一下，又香又鲜味；虎虾对比起带子就有少许逊色，但都唔系差，都食到新鲜同爽口弹牙；卤肉份量好多，啖啖饭都充满卤肉，卤肉酱汁亦做得几好，唔太咸；配料再加左几条芦笋苗衬托，简直锦上添花；整体系高水准之作。
埔里花雕半筋半肉手工宽面 - 呢碗面就$84蚊，都算合理价钱。用花雕做汤底系台湾店嚟讲系少见，花雕味好香，但又唔会盖过牛骨汤底嘅味；面量好多，不过美中不足系个面扬得唔够散，有部分面条痴埋一齐，影响口感；卤牛肉同牛筋份量就算适中，各有3~4件，牛肉同牛筋炆得够火喉，腍得嚟又唔靭，仲够入味。
柴鱼皮蛋豆花 - 呢个真系一绝，系我食过最特别同最好食嘅豆花，我本身系唔钟意食豆花，但我钟意食皮蛋，但估唔到呢两样加埋会擦出咁出色嘅火花，咸中带甜，甜中带皮蛋味，不过我另一半就唔识欣赏，所以我自己清晒，仲想叫多碗，不过呢碗豆花卖$42蚊，有少少贵，所以就食住佢一碗先，下次先再食。
台式虾酥饼 - 呢个虾酥饼有d似酒楼食个d薄罉咁，偏薄身，但馅料虾肉都唔少，佢煎到外面酥脆，入面食到啖啖虾肉，唔怪得知叫虾酥饼，价钱$68蚊，但有8大块份量就一d都唔算贵。
☕️🍵🥤🧋🍺🍷🥃🍹🧉🍾🍶🥛
饮品 : 见佢都有好多台湾特色饮品，无奈我有几声咳，佢又好似样样都系甜野咁，所以无叫，净系问店员攞左杯水。
🍽环境：餐厅环境好靓，好有台湾feel，由门口一直到楼梯，同埋其他餐厅布置都睇得出好用心，枱就唔算大，枱与枱之间亦有少少窄，不过整体感觉都ok。
🤵🏻🤵🏻♀️🤵🏻♂️服务：员工服务唔错，带左你去坐位之后仲会摆低个篮仔比你放袋或个人物品，落单就系用QR Code落单，上菜速度就正常。
💰💸价钱：叫左两个主食两个小食，埋单就$343蚊，呢个价钱系湾仔区已经唔算好贵，再加上食物质素真心好，所以我整体觉得佢价格算好合理。
🐲💬总结：我系香港都食唔少台湾野，但我真系觉得好食嘅有旺角嘅阿木台湾面同呢间，另外再提多次，佢地个"柴鱼皮蛋豆花"真系好好食呀～～
推荐指数：❤️❤️❤️❤️❤️(超推介⭐️)
黑松露虎虾带子卤肉饭
$118
127 浏览
0 赞好
0 留言
埔里花雕半筋半肉手工宽面
$84
144 浏览
0 赞好
0 留言
柴鱼皮蛋豆花
$42
97 浏览
0 赞好
0 留言
台式虾酥饼
$68
73 浏览
0 赞好
0 留言
张贴
