Crust Italian (和昌大押) (已結業)

打风前嘅lunch，梗系要约啲friend 子chill 下啦。朋友想试呢间好耐啦，今日就去会一会佢😍餐厅位于湾仔大押旧建筑地下，所以楼底高。室内设计以地中海风格，清新得来又有跳脱嘅颜色点缀。我哋点左set lunch。餐前上嘅酸面包，有咬口，加埋果仁，好有口感。正正子！😋-前菜-1）水牛蕃茄沙律：毫不吝啬嘅芝士份量，芝士好新鲜，芝士控嘅我食得好开心🤤2）蔬菜沙律：份量好大，大到可以唔使食主菜。材料好新鲜，食完感觉好健康💪🏻-主菜-3）素肉丸：肉丸系由薯蓉做嘅，口感烟烟韧韧，感觉好得意。如果𠮶汁再做浓味啲，成个效果会升华不少。🤗4）香草汁手做意粉：系creamy嘅香草汁。意粉有嚼口，不过唔知系咪赶时间，所以有啲煮唔透心。🤭5）黑松露鲈鱼意大利饭：个饭有浓郁嘅黑松露香味，果汁又好浓味，意大利饭吸晒啲汁，饭感柔软，系我钟意嘅软硬程度。啲鱼炸到有啲干，不过仍食到鱼应有嘅鲜味👍🏻👍🏻👍🏻LadyB CP Rating: ⭐️⭐️⭐️