尚青商號 (已搬遷) 新店位置

见好多人介绍呢间喺湾仔嘅台湾菜，上星期就同朋友嚟试下佢😋 听闻佢哋成日都会有条人龙但我哋好好彩唔驶等就有位，用餐时间就60分钟～红烧半筋半肉牛肉面 ($78) 牛肉入味得嚟牛筋软滑，手工宽面有咬口，汤底唔会好油腻～所有面都会附上油条、酸菜同是日小菜。我几钟意个酸菜，放埋落面一齐食又几不错👍🏻基隆甜不辣 ($54)甜不辣炸至香口，份量都几多，不过要衬热食如果唔系就会淋同有啲油～古早味手工芋圆甜汤 ($34)芋圆系有咬口烟韧嘅质地，食得出淡淡芋头香，配上珍珠、红豆同仙草，细细一碗但好足料😋