祥興記上海生煎包 (譚臣道)

营业中

休息中

一向都麻麻哋食饭但好钟意食饺子、锅贴同生煎包，最近留意到湾仔有新开嘅生煎包专门店就一于去试试！店舖位于谭臣道，近湾仔地铁站A3出口。店舖不大，无坐位只有大概12-15个企位，大部分食客都系买外卖或者quick lunch就走。因为早餐食多左所以lunch唔系太肚饿，叫左个双色生煎B餐加豆浆，有生煎包同黑松露生煎包各2只（平时如果肚饿应该要叫2份先够饱😂）计返条数其实生煎包要$7只，黑松露生煎包要$15只，价钱稍微高。味道方面都几好食，本人觉得个皮可以薄啲，个包够晒juicy，一咬开啲汤爆出黎。生煎包够晒新鲜，系即包即煎嘅，见到用晒啲材料店员会系冻柜入面再攞料再包。店舖虽然唔大但都有5-6个员工负责包、煎生煎包、煮面等，有一位负责收钱，务必要quick service😂👍🏻店员都好nice。