台風。R

营业中

休息中

今日同大家分享吓我最钟意食嘅沾面铺头！不过利申返先，唔同分店质素会有一定偏差。我个人最喜欢湾仔分店系因为佢质素够稳定，地点又方便我。可惜沾面餐牌好少会有变动，反而拉面周不时会出限定汤底(羡慕)，所以我同𓃟每次去食都会叫哂两款沾面交换食。🐟鱼介豚骨沾面 $83非常浓郁嘅酱汁，鱼介味道相对较重，配上弹牙嘅粗面十分之适合。叉烧以低温慢煮所以呈现粉红色，咬落唔会柴口。我系点餐纸上写希望多葱，结果师傅真系俾劲大嚿葱我，Jeng。🦐海虾味噌沾面 $88酱汁上有一层油需要先搅拌，沾面前已经闻到超重海虾味，亦有巨量虾米增加口感，缺点系食到中后期会觉得好咸，不过好在店舖有提供柠檬水。另外可能因为环境同埋我哋都系叫冻面嘅原因，酱汁好快就冻哂，但系我哋又唔想加汤沟淡酱底，所以每次都系硬着头皮食埋佢。P.s 近日台风同lingduck合作，做紧外卖自取75折，即沾面$6x就有交易，非常抵食呀。