品粵居

营业中

休息中

今日去咗湾仔带父母去食中菜未入去已经好古色古香，上到去有落地玻璃可以睇到湾仔嘅风景，居高临下视野广阔，感觉非常舒适。座位之间都有距离，倾偈唔会嘈亲隔离。店员服务非常友善，亦都不停帮我哋加水。茶壶采用玻璃壶，下面仲有个炉热住d茶, 令到茶keep住热嘅温度。仲有一个壶比你用来加热水入去玻璃壶，自己去决定去浸泡茶叶嘅时间。好耐冇食过海星斑，而且同父母一齐食饭，都要照顾好佢哋嘅身体，所以叫星斑两味就最适合啦。碧绿炒球非常健康嘅一道菜色，好多西兰花，仲有红椒黄椒去令成道菜色彩缤纷。未食已经流晒口水。 鱼肉非常厚身、而且好多件，好足料。仲加入陈皮丝去辟走鱼嘅腥味。古法炆头腩用砂锅上菜，未食已经听到吱吱渣渣声，非常够热。里面超多姜葱，鱼腩非常鲜甜肥美，店员仲帮我哋捞匀，先开始食。豉椒凉瓜炒安格斯牛肉食得出牛肉片真系安格斯嘅味道，非常嫩口，脂肪比例均匀唔会过肥、亦唔会好韧。凉瓜炒到完全冇晒苦涩味，食落回甘，凉瓜片切到好薄片、口感非常爽脆。好耐未食过咁好味嘅凉瓜牛肉，而且好够热同好够镬气。