香港郵意明信片航海主題咖啡廳 (已搬遷) 新店位置

行过湾仔一条小巷 见到有两间餐厅。其中一间外面系海蓝色既外墙，有个邮筒，感觉几特别，吸引左我同朋友入去。原来呢间咖啡店系以航海做主题，怪不得以海蓝色做主调。店内有好多设计摆设都好有心思 同埋自家制的。墙上既餐牌全部都系手写同自己画，d字好靓喔👍🏻*烟三文鱼火箭菜沙律* 三文鱼好厚好大块，鲜味十足；配埋爽脆新鲜既火箭菜，滋味满分👍🏻健康又好味*芝士糯米酿无骨鸡翼* 好好好好味！无骨鸡翼就食过，不过酿糯米就第一次～原来香脆既炸鸡翼入面有糯米，口感系好丰富，松脆弹牙；加埋芝士既香滑，真系100分。*波士顿龙虾阔条面* 龙虾鲜味唔算凸出，不过肉质肥美，加埋海鲜汁都几吸引👍🏻*柠檬马鞭草茶* 马鞭草第一次听。饮落似香茅味，清清地，闻落好香。食饱之后系店内行下，见到好多得意明信片，我都买左几张送比外国既朋友。食物质素唔错，店内环境舒服，值得推介。