樂景快餐店 (已結業)

食完肠粉，多米力要先返公司，但无损我地士气，继续进发! 下一站就到隔离街食包包。原来乐景唔只系卖包，仲有饭呀、三文治等等。但为左唔想咁快畀人KO掉，都系叫个包就算啦。原本想唻个鱼柳包，可惜佢话未有鱼，所以最后都跟风要芝士汉堡($10)，加多个冻奶茶($8)。我地三个人呆呆咁坐晒喺度，望住班清一色麻甩佬系度忙唻忙去，都一直整唔到我地要嘅野出唻。去问佢，阿叔叔仲要疾左疾，跟住问我叫左D咩。我同佢讲返，佢就话整紧，但好明显就系漏左啦，有D迟过我地叫野嘅人都走左-_-。等左都几耐...拖慢晒D进度，我地仲有第三个站要去架嘛。即叫即煎的汉堡终于出场喇，睇落去好吸引咁 -- 我唔客气啦。第一啖咬落去非常之惊喜，个包好软而且超级脆! 但满足感亦都随住食多几啖之后减少。个汉堡扒好奇怪，表面好脆，有少少㶶，而且好细块（比起块包）但唔难食的。总之就好似唔似汉堡咁，我一路食都唔知点样去形容佢...而如其他人咁讲，净系得茄汁实在太单调。论包，依度比时新好，但讲到个扒同汁（亦都系灵魂所在），时新好得多。之后食左D爱将小姐的波浪薯条，唔够脆，十分普通。有些少失望，但有D想下次再唻试其他野。哗，唛咁晏啦? 好...