尚君如夢 (已結業)

又系一间近排发掘到既新黄店，系尚上下夏旗下既茶记，因为见到佢既装修好少女风，野食都比一般茶记吸睛，就捉左男友陪我去试😎>吉列猪扒饭配太阳蛋：大过块面既吉列猪扒，炸到表面金黄色，炸粉唔太厚，里面既猪扒肉质松软，跟咖哩汁食送饭一流，再加多个太阳蛋就perfect 池😋>香葱碎牛炒蛋牛角包：碎牛份量多，炒蛋都炒得几滑，再夹埋酥皮松香既牛角包，咬落口层次都几丰富，个包几大份，女仔当晚餐食都得。>法兰西多士：茶记必点，呢款质感厚身、蛋味香浓，入面既花生酱有花生粒粒，几有咬口的，OT完食邪恶野好开心😚>大鸡脾：大过手掌既鸡脾，大份又多肉，鸡皮脆卜卜，咬落都多肉汁，食果阵要小心D，茶记有呢个水准都几出色。>什果宾治&雪糕红豆冰：打卡靓靓既饮品，我系饮雪糕红豆冰，几有椰香味，味道唔太甜，红豆软绵绵几好味；什果宾治听男友讲都OK的。