一木小料理 (已結業)

今次黎到係利東街隔離嘅呢間一木小料理，十二點半食飯時間同朋友兩個人等咗10分鐘內就可以入座😙餐廳每日嘅餐牌都唔一樣，都好簡單令有選擇困難症嘅我地好快可以揀到食咩！😋基本上就係揀三個料理～再配飯/沙律+嘢飲就係$80免加一👌聽落呢個幾錢係灣仔係覺得十分抵食🙈係星期四嘅menu入面，我叫咗三個料理，分別係秋刀魚薑煮，黑糖角煮豬腩肉，關東煮🍢加上日本米飯🍚同一杯凍嘅薄荷橘子茶！秋刀魚好入味，送日本大大粒嘅白飯一流！而雖然豬腩肉無黑糖味，但好淋唔會好”鞋”口，個人覺得係三個料理最好食嘅，而關東煮🍢嘅蒟蒻勁好食，蘿蔔都好甜！凍橘子茶🍊有淡淡嘅橘子味，好清新！食完比較濃味嘅料理之後飲就一流！朋友一樣叫咗關東煮🍢，薯仔燉牛肉，同秋葵木耳山藥紫蘇柚子汁👅燉牛肉好淋，雖然唔係入口即溶不過都好滑！秋葵表現正常～有果種痴痴地嘅質地感覺😂埋單每位$80😋整體黎講今餐食物水準全部都中上或以上，本人摯愛豬腩肉🐷 希望下次可以試下其他日子嘅餐牌睇下有咩唔同～