金灣漁港火鍋

营业中

休息中

我去呢间酒楼都去左好几年，我都系贪去够晒平，平时中午时段一至五特登搭电车黎饮茶都抵过系中环。是日系星期六，冇平日咁多人，一黎到就有位，价钱仲比一至五平左，哈! 哈!我同朋友两个人叫左五款点心都够晒饱，包括韮菜饺，有三件，韮菜馅料清爽，仲有虾、猪肉等，饺皮厚左少少，但有QQ的感觉，仲特价9.8一笼，简直超值。粉菓都系有三件，馅料同韮菜饺有点相似，而且仲好丰富，有花生、猪肉、粉葛等，粉菓皮都系厚左少少，有弹牙的感觉，好满足。炸腐皮卷，有三件，刚刚炸好，非常香脆可口，唔会食到好油腻，而且事先帮我地剪开左一半，容易夹，唔驶一下子成条食，馅料有萝白丝、云耳、腐竹，虾肉等，蘸埋喼汁特别好味，仲更加突出香味添。 山竹牛肉都系有三件，因为我唔食牛肉，朋友自己食晒，佢话都ok! 好味~蒸鲜竹卷，馅料同炸腐皮卷差唔多，朋友点晒两款炸腐皮卷同蒸鲜竹卷，可以比较到唔同煮，一个炸，一个蒸，且好重蚝油味，真系别有丰味，始终我都系钟情于炸腐皮卷多d。