臺坊 (香江大廈)

营业中

休息中

一讲台湾牛肉面，好多餐厅都卖差唔多1百蚊，但呢度只需65蚊，仲要大大碗，我同妈咪分黎食，加埋杯野饮，当午餐都够饱。呢度牛肉面有两款，分别系红烧和香辣。落单时问店员得悉香辣有得拣少辣，所以只能食5小辣既我都拣左香辣牛肉面。牛腩够软够入味，仲要有成3大旧。汤底浓郁但不油，饮左几啖都唔觉口渴，少辣辣度同5小辣差不多。牛筋好滑，有d咬口，配埋红白萝卜，好丰富。面可拣幼面或加$6转刀削面，我就拣左幼面。份量真成好鬼多，夹左一大“住”，都仲有咁多系个碗度。最重要系面既味道不差，滑身得黎，仲有d麦香，就算食得慢，浸得耐都唔会一夹就断。呢杯香芋珍珠奶绿既珍珠有黑糖味，口感够Q弹，无死实实。香芋味道自然，少甜甜度同一般屋仔奶差不多，对我黎讲岩岩好。珍珠份量有接近2份之3杯，饮完好满足系湾仔站A出口行天桥过黎唔洗5分钟，好方便。全部野食都好似几有台湾特色。