面對面

营业中

休息中

喺湾仔呢头想食间平价餐厅都真系唔容易 喺茶餐厅食一碟碟头饭都七八十蚊🥹 呢晚俾我揾到呢间新开嘅台式面店 价钱相宜之余 味道都可以㗎😉香酥排骨面呢度嘅招牌汤底系药膳牛汤 药膳味道好香 饮落口又唔会太苦 都几特别🐮 配埋招牌香酥排骨真系几出色 因为排骨外层同佢个名一样系好酥脆 入面嘅肉质几juicy🐷 底下嘅面我地嗌咗台湾面 口感几有咬口 唔系好腍𠮶种上海面质地海鲜捞面呢个用上台式嘅肉燥黎捞面 少少辣辣地几惹味 底下我地嗌咗油面 配埋肉燥真系好夹😄 海鲜方面有带子 鱿鱼 墨鱼同埋虾仁🍤 啲酱汁都够晒捞个份量咁多嘅面紫菜丸汤汤底都系药膳牛汤 但多咗一重紫菜嘅香味 入面仲有油麦菜 牛丸 贡丸 花枝丸同埋墨鱼丸各一粒 我几钟意呢度嘅牛丸 牛肉味道香浓😊木鱼皮蛋豆腐呢个都几有特色 皮蛋上面仲有啲台湾特别嘅肉松同埋木鱼👻 然后就有流心皮蛋 中间仲有啲泰式酸辣酱 再配香滑豆腐 饮品冬瓜茶 味道唔会好甜 都几有台湾风味🍵 冻奶茶 呢度系台式奶茶𠮶种 如果有得加珍珠就好啦🧋冇谂过呢间小店会有咁多电子支付平台 就算冇揿机过嚟食都好方便啫✌🏻