金鳳茶餐廳

营业中

休息中

讲开湾仔茶餐厅应该无人唔识金凤茶餐厅，连朋友移民前都指定话要去呢间度回味下，食下佢个沙爹牛肉面。我每次经过都会心思思想入去，今次系星期六中午，到既时候已经有唔少人排紧队，等左大概十五分钟就入到啦。今次坐一人卡位，虽然个位比较窄，但旧式茶餐厅黎讲佢系几干净，都坐得舒服。我今次叫左个营养快餐，五香肉丁公仔面配菠萝包，五香肉丁好香好Juicy, 质感唔系果种罐头味，亦唔会话太辣，配公仔面绝对一流。个公仔面亦系软硬度适中，至于菠萝包加牛油呢个配搭亦都系无得输，虽然无另外加钱转新鲜菠萝油，但个包都系好好味，好有水准。话说系我食到一半既时候有鸡批出炉，果种香味系令人想即刻order 一打! 可惜个肚无位再食，希望下次可以再过黎食! 推介大家去试下!