露面手工拌麵料理

今日试下呢间主打手工拌面既餐厅，我地叫左一个一人拌面套餐，配小食同埋饮品/汤，另外再叫多个汤面试下。《麻辣云耳》小食我哋拣咗麻辣云耳，云耳爽口，麻辣汁辣得嚟带点酸，非常开胃。《野生松茸鲜鸡汤》鸡汤嘅味道好鲜甜，入面好足料，松茸同埋鸡肉嘅份量都好多，饮落感觉好滋补。《嫩鸡白布汤阔面》啲面真系阔到成块布，大大块咁几得意，咬落去面质几弹牙烟靭。汤底系奶白色，饮落都几香滑，而且鸡肉同埋小唐菜嘅份量好多。《台式卤肉拌面》卤肉有肥有瘦，卤得好入味。卤肉汁好挂面，拌匀之后每条面都吸收晒啲卤肉汁。《秘制香糟醉鸡》鸡肉腌得好入味，酒味好浓郁。而且肉质嫩滑，都几大嚿，仲有鸡髀添。